دعا بتاریخ فروری 08, 2024

اے اللّٰہ !
ہم پر ان کو حاکم بنائیے جو خرابی کی اصلاح کریں اور ہمارے (اجتماعی) گناہوں کے سبب ہم پر انہیں حاکم نہ بنائیے جو آپ سے نہ ڈرتے ہوں اور نہ ہم پر رحم کھائیں ، 
اے اللّٰہ!
آپ ہی کی ذاتِ ہر چیز پر قادر ہے پس آپ ہمیں غلبہ دے دیجیے ، 
ہماری ظالموں اور ان کے معاونین کے خلاف مدد کیجیے ، 
اے اللّٰہ!
ہمارے خلاف اس ظالم سے اپنے قہر کی تلخی اور ذلت کی محتاجی نہ لکھئیے جو آپ کی ملاقات سے خوفزدہ ہے، 
اے اللّٰہ!
ہمیں اپنے نبی حضرت محمد ﷺ کی سنت (طریقے) پر زندہ رکھئیے ، ہمیں آپ ﷺ کی ملت پر دنیا سے لے جائیے اور ہمیں فتنوں کی گمراہیوں سے بچائیے جو ان میں سے ظاہر ہوں اور جو پوشیدہ ہوں۔

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔