دعا بتاریخ فروری 07, 2024

  اے اللّٰہ !
اے وہ ذات ! جو اپنے عرش پر مستوی (تخت نشین) ہوا ، 
اے وہ ذات ! جس نے (سب کچھ) پیدا کیا پھر (نوعی تقاضے کے مطابق) ٹھیک بنایا اور (ہر ایک کا کمال) اندازہ ٹھہرایا پھر (اسے حاصل کرنے کی) راہ بتلائی ، 
اور (جس نے) ہر چیز کو اس کی صورت (نوعیہ) دی اور پھر (اس کے مطابق) اسے رہنمائی دی ۔
ہمیں بخش دیجیے ، ہم پر رحم فرمائیے ، ہمیں عافیت دیجیے ، ہم سے درگذر کیجیے ، ہمیں سلامتی کے راستوں کی رہنمائی کیجئے اور ہمیں (ہر شعبہ زندگی میں گمراہیوں کے) اندھیروں سے (ھدایت کی) کامل روشنی کی طرف نکال لائیے۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔