دعا بتاریخ فروری 08, 2023

اللّٰہ عز وجل 
جو اپنی بادشاہت میں (ہر چیز کو) قائم کرنے والا  ہے ، 
اپنے جلال (دبدبہ) میں عظمت والا ہے ، 
اپنے بندوں پر مہربان ہے ، 
ہر چیز کو جاننے والا ہے ، 
جو اپنی نافرمانی کرنے والوں کے ساتھ  تحمل والا ہے (کہ ان کو توبہ کا موقع دیتا ہے)
جو اپنی ذات سے امید رکھنے والوں کے ساتھ مہربانی کرنے والا ہے ، (اس ذات) سے میں درخواست کرتا ہوں کہ 
وہ آپ (تمام احباب) کو عزت دے ، 
آپ کو بالادستی دے ، 
آپ پر رحم فرمائے ، 
آپ کو اپنے علاوہ سے بے پروا کر دے ، 
آپ کے مصائب کو دور کرے ، 
آپ کی پریشانیاں دور کرے ، 
آپ کے کام آسان کرے ، 
آپ کے رزق کو وسیع کر دے ، 
آپ کی ضروریات کو پورا کرے ، 
انسانوں اور جنات کے شر سے آپ کی حفاظت کرے ، 
آپ کے بیماروں کو شفا دے ، 
آپ کے فوت شدگان پر رحم کرے ، 
مجھے ، آپ کو ، ہمارے والدین کو ، ہماری اولادوں کو اور ہمارے احباب کو جنت میں بلند مقام دے۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔