دعا بتاریخ فروری 15, 2024

 اے اللّٰہ !
اے ہمارے پروردگار ! آپ کے جمال (خوبصورتی) ، آپ کے جلال (بزرگی) ، آپ کی عظمت اور آپ کی بڑائی پر آپ ہی کی تمام تعریف ہے ، 
اے اللّٰہ!
ہمیں پھسلنے (راہِ حق کے انحراف) سے بچا لیجئے ، 
ہمارے خلل (کوتاہیوں) کا تدارک کر دیجیے ،
ہم  (حرص وہوس پر مبنی) لمبی امید سے اور (بد عقیدگی اور بد عملی کے سبب نیک) عمل کے ضائع ہونے سے آپ کی پناہ میں آتے ہیں ، 
اے اللّٰہ!
ہمیں تقوی (عدل واحسان) والوں کا اخلاص دے دیجیے ، 
ہمیں آپ اپنی عافیت کے ساتھ خاص کر لیجیے ، 
ہمیں درست کر دیجیے ، 
ہمیں سیدھے راستے پر چلا دیجیے ، 
ہماری (خامیوں کی) ستر پوشی فرما دیجیے ، 
اور ہماری اس آنکھ (تجلی) کے ساتھ نگرانی کیجیے جسے نیند نہیں آتی۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔