دعا بتاریخ اپریل 14, 2022

اے اللّٰہ!
بیشک آپ بہت زیادہ معاف کرنے والے ہیں ، معاف کرنے کو پسند کرتے ہیں پس آپ مجھے ، میرے اہل خانہ کو اور میری اولاد کو معاف کر دیجیے ۔۔  

اے اللّٰہ!
بیشک آپ بہت زیادہ معاف کرنے والے ہیں ، معاف کرنے کو پسند کرتے ہیں پس آپ میری والدہ کو ، میرے والد کو، ان کے والدین کو اور ان (والدین) کے والدین کو معاف کر دیجیے ۔۔ 

اے اللّٰہ!
بیشک آپ بہت زیادہ معاف کرنے والے ہیں ، معاف کرنے کو پسند کرتے ہیں پس آپ میرے بھائیوں کو ، میری بہنوں کو اور ان کی اولادوں کو معاف کر دیجیے ۔۔ 

اے اللّٰہ!
بیشک آپ بہت زیادہ معاف کرنے والے ہیں ، معاف کرنے کو پسند کرتے ہیں پس آپ ان سب کو معاف کر دیجیے جن کا ہم پر حق ہے ، اور میرے دوستوں کو ، میرے رفقاء کار کو ، میرے پڑوسیوں کو ، ان کو جو مجھ سے محبت کرتے ہیں اور ان کو جن سے میں محبت کرتا ہوں، (ان سب کو) معاف کر دیجیے ۔۔ 

 اے اللّٰہ!
بیشک آپ بہت زیادہ معاف کرنے والے ہیں ، معاف کرنے کو پسند کرتے ہیں پس آپ معاف کر دیجیے انہیں جنہوں نے میرے لیے ،  میری عدم موجودگی میں دعاء کی ہے اور ان کو جنہوں نے مجھ سے دعا کی وصیت (تاکید) کی ہے ۔۔ 
اے اللّٰہ!
بیشک آپ بہت زیادہ معاف کرنے والے ہیں ، معاف کرنے کو پسند کرتے ہیں پس آپ ہمارے فوت شدگان کو ، تمام مسلمان مردوں کو ، تمام مسلمان عورتوں کو ، تمام مومن مردوں کو ،  تمام مومن عورتوں کو ، ان میں سے زندہ کو اور فوت شدگان (سب) کو معاف کر دیجیے ۔۔ 

اے اللّٰہ!
آپ ہمیں روزوں ، (تراویح کے لیے) قیام اور تمام نیک اعمال کے اجر سے محروم نہ ہونے دیجئے ، 

اے اللّٰہ!
آپ ہمیں اپنے پسندیدہ لوگوں اور جہنم کی آگ سے آزاد کردہ لوگوں میں شامل کر دیجیے ، 
اور ہمیں شب قدر میں (عبادت کے لئے) قیام کی توفیق دے دیجیے۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ سب احباب کی حفاظت فرمائے اور آپ کو پاکیزہ زندگی سے نوازے۔