دعا بتاریخ اپریل 20, 2022

اے اللّٰہ!
اے آسمانوں کو بلند کرنے والے ! 
اے مصیبت کو پھیرنے والے ! 
اے دعاء قبول کرنے والے ! 
اے دینے میں سخی ذات ! 
اے اللّٰہ!
جس طرح آپ نے محبت کو دلوں کو روشن کرنے والا نور بنایا ، 
جس طرح آپ نے توبہ کو گناہوں کو مٹانے والا راستہ بنایا  ، 
جس طرح آپ نے ذکر کو عیبوں کو چھپانے والا پردہ بنایا ، 
جس طرح آپ نے قرآن کریم کو راستوں کو روشن کرنے والا طرز بنایا ، 
اے اللّٰہ!
بیشک میں اپنے لیے اور اپنے احباب کے لیے ، اس وقت میں اور وقوع قیامت تک آپ سے (زندگی کے) اچھے اختتام کے ساتھ جامع بھلائی ، امن والے گھر اور صحت مند جسم کی التجا کرتا ہوں ، 
ہم آپ سے ہر  اس (شخص) کے لیے جسے تکلیف (بیماری) پہنچی ہے ، شفاء کی اور ہر اس (فوت شدہ)  کے لیے جو قبر میں پہنچا ہے ، رحمت کی درخواست کرتے ہیں ۔ 
اے اللّٰہ!
ہمیں شب قدر میں قیام اور عبادت کے اجر سے محروم نہ کیجیے ، 
اے اللّٰہ!
رمضان المبارک میں ،  ہماری گردنوں کو ، ہمارے اہل خانہ اور ہمارے احباب کی گردنوں کو جہنم کی آگ سے آزاد کر دیجیے۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔