دعا بتاریخ اپریل 11, 2022

اے اللّٰہ!
آپ ہمیں ہدایت پانے والوں کے راستے پر چلا دیجیے ، 
ہمیں غافلوں کے راستے پر نہ چلائیے ، 
ہمیں انصاف (قیامت)  کے دن بخش دیجیے ، 
اے اللّٰہ!
ہم سے قریب (واقف لوگ) اور غریب (نا واقف لوگوں) کی خباثت کو ہم سے دور کر دیجیے ، 
اے اللّٰہ!
ہمیں عنایت کیجئے : 
قوت اور تقویٰ کی صفت ، تاکہ ہم برائی پر اکسانے والے اپنے نفسوں کے خلاف مزاحمت کریں  ،  
شجاعت کی صفت ، تاکہ ہم اپنی کمزوری کا مقابلہ کریں ، 
یقین کی دولت ، تاکہ ہم (اپنے لیے) آپ کے فیصلے کو (دل) سے قبول کریں ، 
آپ کی رضا ، تاکہ ہماری روحیں خوشی محسوس کریں ، 
فہم و فراست ، تاکہ ہمارے دل اطمینان پائیں ، 
اے اللّٰہ!
اے طاقتور کو کمزور کے لیے مسخر کرنے (کام میں لگانے) والے ! 
جنات کو ہمارے نبی حضرت سلیمان علیہ السلام کے کام میں لگانے والے ! 
پرندوں کو اور لوہے کو ہمارے نبی حضرت داؤد علیہ السلام کے حکم کے تابع کرنے والے ! 
آگ کو ہمارے نبی حضرت ابراہیم علیہ السلام کے تابع (ٹھنڈا) کرنے والے ! 
ہمارے لیے ہمارے ماحول سے ، اپنے بندوں کی پاکیزہ ارواح اور ان کے دلوں کو ہمارے (دنیوی اور اخروی) فائدے کے لئے مقرر کر دیجیے ، 
ہمارے کام آسان کر دیجیے ، 
ہمیں وہاں سے وسائل رزق مہیا کر دیجیے جہاں سے ہمیں گمان بھی نہ ہو ، 
ہمیں روزے رکھنے اور شب قدر میں قیام (عبادات کے اہتمام) کی توفیق دے دیجیے ، 
ہمیں جہنم سے آزادی حاصل کرنے والے بندوں میں شامل فرما دیجیے۔

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ سب احباب کی حفاظت فرمائے اور آپ سب کو پاکیزہ زندگی کے ساتھ زندہ رکھے۔