دعا بتاریخ اپریل 30, 2022

اے اللّٰہ!
 ہمیں ان لوگوں میں شامل فرما دیجیے جو ہر وقت اور ہر زمانے میں ، آپ کی حمد (تعریف کرنے) کے ساتھ تسبیح (پاکیزگی بیان) کرتے ہیں اور جب وہ آپ کی پکار سننے ہیں تو وہ لبیک کہنے والوں میں سے ہوتے ہیں ، 
 اے اللّٰہ!
ہمارے لیے اپنی نعمتوں میں سے وہ تقسیم فرما دیجیے جو ہمیں سیر (مطمئن) کردے اور ہمارے لیے کافی ہو جائے ، 
ہم پر اپنی نوازش بہا (وافر کر) دیجیے یہاں تک کہ آپ ہمیں راضی (مطمئن) کردیں ، 
اے وسیع رزق والے ! اے دعائیں قبول کرنے والے ! 
ہماری دعائیں قبول فرما لیجئے! 
اے اللّٰہ!
ہم پر آسمان کے دروازے اور (دعائوں کی) قبولیت کے دروازے کھول دیجئے ، 
اے (حقیقی) بادشاہ ! اے (مطلق العنان) قدرت والے ! 
ہمیں (ہماری دعاؤں کی قبولیت) کی خوشخبری دے دیجیے ، 
اے اللّٰہ!
بیشک ہم آپ کی پناہ میں آتے ہیں : 
اس قہر سے جو ہمیں درد (غم)  دے ، 
ہر پریشانی سے جو ہمیں غم زدہ کر دے ، 
اور ہر اس (پریشانی کی) سوچ سے جو ہمیں پریشانی میں مبتلا کرے ۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی کے ساتھ زندہ رکھے۔