دعا بتاریخ اپریل 18, 2022

اے اللّٰہ!
بیشک ہم آپ سے درخواست کرتے ہیں کہ 
آپ ہماری زندگی میں برکت ، ہمارے دلوں میں روشنی اور بصیرت عطا کریجیے ، 
ہم آپ سے سوال کرتے ہیں کہ آپ ، ہمارے (درپیش) معاملات  میں ہمارے لیے تدبیر (بندوبست) فرما دیجیے ، 
آپ ہمارے لیے ، ہمارے حالات کو آسان کر دیجیے ، 
ہمیں اس کی راہ بتلا دیجیے جس میں ہمارے لیے بھلائی اور کامیابی ہے ، 

اے اللّٰہ!
ہمیں لیلۃالقدر تک رسائی عطا کیجئے ، 
 ہمیں اس رات میں ، اس بھلائی میں سے عطا فرما دیجیے جو آپ اپنے نیک بندوں کو عطا کرتے ہیں ، 

اے اللّٰہ!
آپ ہمیں اس رات میں ، اس کی نوازشات سے ، اس کے خوشبودار جھونکوں سے ، اس رات کے تحائف سے ، اس کی روشنی سے اور اس کی برکت سے محروم نہ فرمائیے ، 

اے اللّٰہ!
ہماری گردنوں کو دوزخ کی آگ سے نجات دے دیجیے اور ہمیں جنت کے فردوس اعلی (بلند ترین باغ) میں بغیر کسی حساب و عذاب کے رہائش پذیر کر دیجیے ، 

اے اللّٰہ!
اے کرم والے ! 
بیشک آپ بہت زیادہ معاف کرنے والے ، مہربان ہیں ، معاف کرنے کو پسند کرتے ہیں پس آپ ہمیں معاف فرما دیجیے ، 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ سب احباب کی حفاظت فرمائے اور آپ سب کو پاکیزہ زندگی سے نوازے۔