دعا بتاریخ جنوری 25, 2024

کیا ہی خوبصورت ہیں اللّٰہ عزوجل کے وعدے کہ اللّٰہ پاک نے فرمایا : 
"اگر تم احسان مانو گے تو تمھیں اور بھی دوں گا" (اِبراھیم ؛ 7) 
"پس تم مجھے یاد رکھو میں تمہیں یاد رکھوں گا" (البقرہ ؛ 152) 
"مجھ سے دعا کرو میں تمھاری دعا قبول کروں گا" (غافر ؛ 60) 
" اور اللّٰہ تعالیٰ انہیں ہرگز عذاب نہیں دے گا جب تک وہ معافی مانگتے رہیں گے " (الانفال ؛ 33) 

اے اللّٰہ!
ہمیں ان لوگوں میں شامل کر دیجیے : 
جنہوں نے آپ کا شکر کیا تو آپ نے انہیں زیادہ دیا ، 
جنہوں نے آپ کو یاد کیا تو آپ نے ان کو یاد کیا ، 
جنہوں نے آپ سے دعا کی تو آپ نے اسے قبول کیا ، 
جنہوں نے آپ سے گناہوں کی معافی مانگی تو آپ نے انہیں بخش دیا ، 
اور آپ ہمیں ہدایت دینے والے اور ہدایت پانے والے لوگوں میں سے بنا دیجیے۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔