دعا بتاریخ جنوری 03, 2023

اے اللّٰہ!
آپ ہمیں ایمان کی زینت سے مزین کر دیجیے ، 
ہمیں دوسروں کی ہدایت کا ذریعہ بننے والا اور ہدایت قبول کرنے والا بنا دیجیے ، نہ کہ گمراہ ہونے والا اور دوسروں کو گمراہ کرنے والا ۔

اے اللّٰہ!
بیشک ہم آپ سے درخواست کرتے ہیں کہ
آپ ہمارے تذکرہ کو بلند کر دیجیے اور ہمارے بوجھ ختم کر دیجیے ، 
ہمارے کام کو سنوار دیجیے اور ہمارے دلوں کو صاف کر دیجیے ، 
ہماری شرمگاہوں کو پاکدامن کر دیجیے اور ہمارے دلوں کو روشن کر دیجیے ، 
ہمارے گناہوں کو بخش دیجیے اور ہمارے حالات بہتر کر دیجیے ، 
اور ہم آپ سے جنت میں بلند درجوں کے حصول کی درخواست کرتے ہیں ، 

اے اللّٰہ!
ہماری بیویوں اور ہماری اولادوں کو انسانوں اور جنات کے شیاطین سے محفوظ رکھئیے۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔۔