دعا بتاریخ جنوری 30, 2023

اے اللّٰہ!
اے وہ ذات ! کہ آپ  
(تمام انسانوں کی) آوازیں سنتے ہیں ، اگر چہ وہ (کتنی ہی) پست ہوں ، 
(ضرورت مند انسانوں کی) حاجات کو پورا کرتے ہیں ، اگر چہ وہ (کتنی ہی) بڑی ہوں ، 
(لاچار انسانوں) کی دعائیں قبول کرتے ہیں ،اگر چہ وہ (کتنی ہی) بھاری (بڑے بڑے کاموں سے متعلق) ہوں ، 
اور (انسانی لغزشوں) کو معاف کرتے ہیں ، اگر چہ وہ (کتنی ہی) زیادہ ہوں ، 

اے اللّٰہ!
ہم آپ سے درخواست کرتے ہیں کہ 
 ہمیں کامیابی اور (دشمنوں پر) ہیبت کے لباس سے آراستہ کر دیجیے ، 
ہمیں پریشانی اور غم سے محفوظ کر لیجیے ، 
ہمیں  قبولیت کے اوقات میں دعا (دل میں) الہام کر دیجیے ، 
بیشک آپ ہر چیز پر قادر ہیں ۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔