دعا بتاریخ اکتوبر 02, 2022

اے اللّٰہ!
اے وہ ذات! جسے آنکھیں نہیں دیکھتیں ،
 نہ ہی خیالات کی اس سے آمیزش ہو سکتی ہے (خیالات اس کو اپنی گرفت میں نہیں لاسکتے)
نہ ہی وصف بیان کرنے والے اس کے اوصاف کا  احاطہ کر سکتے ہیں ، 
اور اے وہ ہستی! جو محبت کرنے والی ماں سے بھی زیادہ رحم کرنے والی ہے ! 
میرے احباب اور دینی بھائیوں کو دونوں جہانوں میں کامیاب اور لوگوں کی غفلت کے ماحول میں (اپنی طرف) رجوع کرنے والے بنا دیجیے ، 
اور اس ماں کو جس نے انہیں جنم دیا اور اس باپ کو جس نے ان کی اچھی تربیت کی ، بخش دیجیے ، 

اے میرے پروردگار !
ان کا انجام خوبصورت کر دیجیے ، 
ان کے اہل خانہ اور ان کی نسل کو سنوار دیجیے ، 
اور جنت کے بلند مقام کو ان کا رہائشی گھر بنا دیجیے ۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔