دعا بتاریخ اکتوبر 21, 2022

اے میرے پروردگار!
اپنے زمینی لشکر ، آسمانی فرشتے اور وہ سب (طاقتور قوتیں)  جنہیں آپ نے ہمارے امور سونپے ہیں ، انہیں ہمارے لئے کام میں لگا دیجیے ، 
ہمیں ہمارا دنیا کا حصہ اور آخرت کی نعمتیں عطا فرما دیجیے ، 
ہمارے لیے ہر مشکل کام آسان کر دیجیے ، 

اے ہر چیز پر قادر ذات ! اے میرے پروردگار !
جو ہم چاہتے ہیں اس کے لیے آپ فیصلہ کن کہہ دیجیے تاکہ آپ کی طرف سے حالات کی تبدیلی ، آپ کی طاقت اور آپ کی رحمت کے سبب وہ (وقوع پذیر) ہو جائے ، 
اے اللّٰہ!
آپ ہمیں ، ہماری ضروریات کے پورا کرنے میں ، اپنی قدرت کے عجائبات دکھا دیجیے ، 
ہمیں اس جگہ سے وسائل رزق مہیا کیجیے جہاں سے ہمیں گمان بھی نہ ہو ، 
اور آپ اپنے شایان شان اور اپنے اختیار کے مطابق ہمارے (نقصانات) کی تلافی فرما دیجیے ۔
اے اللّٰہ!
بیشک ہم  جنت کی اور جو قول و عمل اس کے قریب کرے ، اس (کے بجا لانے) کی آپ سے درخواست کرتے ہیں ، 
اے اللّٰہ!
ہمارے والدین پر رحم فرما دیجیے ، 
اے اللّٰہ!
ہمارے بیماروں کو شفا دے دیجیے اور  آزمائش میں مبتلا ہمارے (احباب) کو عافیت (اس آزمائش سے چھٹکارا) دے دیجیے ، 
 اے اللّٰہ!
ہمارے فوت شدگان اور تمام مسلمانوں کے فوت شدگان پر رحم فرما دیجیے ، 
اے اللّٰہ!
ہمارے نبی حضرت محمد ﷺ پر ، آپ کی آل پر اور آپ کے تمام صحابہ کرام پر اپنی رحمتیں نازل فرمائیے ۔۔۔۔