دعا بتاریخ مئی 11, 2023

اے اللّٰہ!
اے وہ ذات ! جب اسباب تنگ ہو جائیں تو آپ کے ہاتھ (قدرت) میں وسعت کا راستہ ہے ،
جب سانس گھوٹنے والا (موت کا باعث بننے والا عمل) بڑھ جائے تو آپ ہی کے ہاتھ (قدرت) میں کشادگی ہے  ، 
 جب وسائل رزق کم ہو جائیں تو آپ ہی کے حکم سے رزق (کی دستیابی) ہے
اے مہربانوں میں سے سب سے زیادہ مہربان !
 ہم آپ سے درخواست کرتے ہیں یہ کہ آپ ہمیں اپنے فضل ، اپنے احسان اور اپنی رحمت سے محروم نہ فرمائیے ، 
اے اللّٰہ!
ہماری مصیبتیں دور کر دیجیے ، 
ہمارے کام آسان کر دیجیے ، 
ہم سے آزمائش کو ہٹا دیجیے ، 
ہم سے وبا اور مہنگائی کو دور کر دیجیے۔ 
اے اللّٰہ!
ہم نے اپنے معاملہ کو آپ کے سپرد کردیا ہے اور ہم نے اپنی پریشانی آپ کو سونپ دی ہے ،
پس آپ ہمیں اس چیز کی خوشخبری دے دیجیے جو ہمیں خوش کر دے ، 
بیشک آپ ہر چیز پر قادر ہیں اور دعا کی قبولیت (آپ کے) شایان شان ہے۔ 
اے اللّٰہ!
ہمارے بیماروں کو شفا دے دیجیے ، 
 آزمائش میں مبتلا ہمارے احباب کو عافیت دے دیجیے ، 
ہمارے فوت شدگان اور مسلمان جماعت کے تمام فوت شدگان پر رحم فرما دیجیے۔ 
اے اللّٰہ!
ہمارے آقا ، ہمارے محبوب اور ہمارے نبی حضرت محمد ﷺ پر ، آپ کی آل پر اور آپ کے صحابہ کرام پر اتنی تعداد میں رحمتیں نازل فرمائیے ، سلامتی دیجیے اور برکت دیجیے جتنا کہ اس (اللّٰہ تعالیٰ) کا ذکر کرنے والے ذکر کریں اور اتنی ہی تعداد میں جتنا کہ اس کے ذکر سے غفلت والے غافل ہوں (یعنی تمام مخلوقات کی تعداد کے مطابق)