دعا بتاریخ مارچ 12, 2021

اے ہمارے پروردگار ! بیشک آپ سے ہم سوال کرتے ہیں : 
نفس کے پرسکون ہونے کا ، 
دل کے اطمینان کا ، 
سینہ کی کشادگی کا ، 
ایسے ( عمل کی) توفیق کا جو ہماری لغزش کا تدارک کرے ،
اور ایسی سعادت کا جو ہمارے دلوں کو ( آپ کی محبت سے ) بھر دے ۔۔۔ 

اے اللّٰہ ! 
ہمارے دلوں کو اپنی فرمانبرداری پر ، 
ہمارے نفوس کو اپنے خوف پر ،
اور ہماری روحوں کو اپنی جنت میں جمع فرما دیجیے ۔۔۔ 

اے اللّٰہ ! بیشک ہم آپ سے اپنے ملکوں میں امن کا ، اپنے دین اور بدنوں کی سلامتی کا ، اپنے آباء و اجداد اور ماؤں کی مغفرت کا ، اپنے رزق کے ذرائع میں برکت کا اور اپنے جسموں کی صحت کا سوال کرتے ہیں۔۔۔

اے اقوام عالم کے پروردگار ! ہماری دعائیں قبول فرما لیجیے ۔۔