دعا بتاریخ مارچ 27, 2022

اے اللّٰہ!
آپ ہمیں ان لوگوں میں شامل فرما دیجیے :
 جنہوں نے آپ سے پناہ مانگی تو آپ نے انہیں پناہ دے دی ، 
آپ کی طرف دوڑ پڑے تو آپ نے قبول کر لیا ، 
آپ (کے عذاب) سے ڈرے تو آپ نے انہیں امن دے دیا ، 
آپ پر انہوں نے اعتماد کیا تو آپ انہیں کافی ہو گئے ، 
آپ سے انہوں نے مانگا تو آپ نے انہیں دے دیا ، 

اللّٰہ تعالٰی ہمیں اور آپ کو اپنی ایسی رضامندی میں شامل کرے جس میں ہم انعام پائیں ، 
نیکیوں سے مالامال ہوں ، 
تمام مصیبتوں سے سلامتی پائیں ، 

اللّٰہ تعالیٰ ہمیں ، آپ کو ، ہمارے والدین ، آپ کے والدین اور تمام مسلمانوں کو بخش دے ، 
ہم سے اور آپ سے ہر برائی اور ناپسند عمل کو ہٹا دے ، 

اے اللّٰہ!
ہمارے بیماروں کو شفا دے دیجیے ، 
ہمارے آزمائش میں مبتلا احباب کو عافیت دے دیجیے ، 
ہماری نیتوں کو درست کر دیجیے ، 
اور ہمیں پل جھپکنے کے برابر بھی اپنے نفسوں کے  سپرد نہ کیجیے ، 

اے اقوامِ عالم کے پروردگار ! 
ہماری دعائیں قبول فرما لیجئے! 

اللّٰہ تعالیٰ آپ سب احباب کی حفاظت فرمائے اور آپ کو پاکیزہ زندگی سے نوازے۔