دعا بتاریخ مارچ 15, 2022

اے اللّٰہ!
 جن باتوں کی ہمیں پوری پوری واقفیت نہیں ہے، ان پر آپ ہمیں ضبط دے دیجیئے  اور (اپنے) ہر اس فیصلے پر رضامندی عطا کیجیے جسے ہم اپنے لیے برا خیال کریں حالانکہ اس کا انجام بہترین ہو ،  
اے اللّٰہ!
ہمیں اپنے فضل کے ساتھ ، اپنے علاؤہ ہر ایک سے مستغنی کر دیجیے ، 
ہم پر اپنی مہربانی کا فیض نچھاور کر دیجیے ، 
اور ہمیں اس پر مطمئن کر دیجیے جو آپ نے ہمارے لیے تقسیم کیا ، 
اے اللّٰہ!
ہمیں سلامتی والا ، پاکیزہ ، پرہیزگار ، صاف دل دے دیجیے جو آپ (کی نافرمانی) سے پوشیدہ اور علانیہ ڈرے ، 
اے اللّٰہ!
آپ ہمیں رضا (کا وہ مقام) دیجئیے ، جو ہمارے نفوس کو ہم سے راضی کردے ،
 ایسی رضا (کا مقام) دیجئیے جو آپ کو ہم سے راضی کر دے ، 
 ایسی معافی اور ہدایت (ہمیں دے دیجیے) جو آپ کی جنت کے سب سے وسیع تر دروازے تک پہنچا دے ، 
اے ارحم الراحمین ! (ہم پر رحم فرما دیجیے) ، 

اے اقوامِ عالم کے پروردگار ! 
ہماری دعائیں قبول فرما لیجئے!