دعا بتاریخ ستمبر 07, 2020

اے اللہ ! 
اپنی محبت ہم پر اتار دیجئے تاکہ ہم سعادتمند ہو جائیں ، 
اپنی رضا ہم پر اتار دیجئے تاکہ ہم متقی ہو جائیں اور 
ہمارے لیے زمین و آسمان میں اپنی مقبولیت کا حکم فرما دیجیے ۔ 

اے اللہ ! ہمیں ان لوگوں میں شامل فرما دیجیے : 
جنہوں نے تواضع اختیار کی تو آپ نے انہیں بلند کردیا ، 
توبہ کرتے ہوئے آپ کی طرف متوجہ ہوئے تو آپ نے ان کی توبہ قبول کر لی ، 
آپ کے قریب ہوئے تو آپ نے انہیں ہدایت دے دی ، 
آپ کی ہیبت کے سبب عاجز ہوئے تو آپ نے انہیں اپنا محبوب بنا لیا ، 
آپ سے سچے دل سے دعا کی تو آپ نے قبول فرما لی ، 
آپ سے اپنی حاجت کا سوال کیا تو آپ نے انہیں عطا کر دی ، ان کے گناہ چھپا دیے ، انہیں بخش دیا اور اپنی رحمت میں شامل کر لیا ۔