دعا بتاریخ ستمبر 15, 2020

اللہ تعالیٰ کے سو کوئی معبود نہیں ، وہ اکیلا ہے ، اس کا کوئی شریک نہیں ، اسی کی بادشاہت ہے ، اسی کے لیے تعریف ہے اور وہ ہر چیز پر قادر ہے ۔ ( الفاظ چوتھا کلمہ ) 

اللہ کریم سے میں سوال کرتا ہوں جو عرش عظیم کا مالک ہے کہ 
وہ ایمان کی خوشبو ئیں ، بدنوں کی عافیت اور اپنی رضا عطا فرما دے ۔ 

اے میرے رب ! 
آج کے اس دن کو ہر اس انسان کے لیے خیر وبرکت کا دن بنا دیجیے جس نے اپنی آرزوؤں کو آپ کے پاس امانت رکھ دیا ہے اور صرف آپ ہی کی طرف سے کشادگی کا منتظر ہے ۔ 

اے اللہ ! آپ سے میں سوال کرتا ہوں کہ آپ ہم پر نعمتوں کی حفاظت فرما لیجیے ، سختیاں دور فرما دیجیے ،
 ایمان کی مٹھاس ، بہتر نوازش ، رزق کی کشادگی ، فارغ البالی ، لباس عافیت ، اچھا انجام ، جنت میں اعلی مقام ہمارے والدین ،  اہل خانہ اور جنہیں ہم چاہتے ہیں کو عطا فرما دیجیے ۔