خطبہ جمعہ/انسانوں کی جانیں ضائع اور اُن کو در بدر کرنے کا ذمہ دار۔۔/ مفتی عبدالخالق آزاد رائے پوری

تفصیل

انسانوں کی جانیں ضائع اور اُن کو در بدر کرنے کا ذمہ دار نظام
اور سماجی پستی سے نکلنے کا میثاق! فاسد مذہبی گروہ کی تاریخ کی روشنی میں قرآنی راہِ عمل

خطبہ جمعۃ المبارک:
حضرت مولانا شاہ مفتی عبدالخالق آزاد رائے پوری

بتاریخ: 27؍ محرم الحرام 1444ھ/ 26؍ اگست 2022ء
بمقام: ادارہ رحیمیہ علومِ قرآنیہ (ٹرسٹ) لاہور

خطبے کی رہنما آیاتِ قرآنی

1۔ وَإِذْ أَخَذْنَا مِيثَاقَكُمْ لَا تَسْفِكُونَ دِمَاءَكُمْ وَلَا تُخْرِجُونَ أَنفُسَكُم مِّن دِيَارِكُمْ ثُمَّ أَقْرَرْتُمْ وَأَنتُمْ تَشْهَدُونَ، ثُمَّ أَنتُمْ هَٰؤُلَاءِ تَقْتُلُونَ أَنفُسَكُمْ وَتُخْرِجُونَ فَرِيقًا مِّنكُم مِّن دِيَارِهِمْ. (2 - البقرہ: 84-85)
ترجمہ: "اور جب لیا ہم نے وعدہ تمہارا کہ نہ کرو گے خون آپس میں، اور نہ نکال دو گے اپنوں کو اپنے وطن سے، پھر تم نے اقرار کرلیا اور تم مانتے ہو۔
پھر تم وہ لوگ ہو کہ ویسے ہی خون کرتے ہو آپس میں اور نکال دیتے ہو اپنے ایک فرقے کو ان کے وطن سے"۔

2۔ یٰۤاَیُّہَا الَّذِیۡنَ اٰمَنُوا اتَّقُوا اللّٰہَ وَ کُوۡنُوۡا مَعَ الصّٰدِقِیۡنَ (9 - التوبہ: 119)
ترجمہ: "اے ایمان والو ! ڈرتے رہو اللہ سے، اور رہوساتھ سچوں کے"۔

۔ ۔ ۔ ۔ خُطبے کے چند مرکزی نِکات ۔ ۔ ۔ ۔ 👇

✔️ قرآن حکیم میں بنی اسرائیل کے اللہ تعالیٰ سے عہد و میثاق کا ذکر
✔️ بنی اسرائیل کی اجتماعی ذمہ داریوں سے روگردانی اور اس کے نقصانات
✔️ میثاق / معاہدات کی تعریف اور مفہوم اور معاشرتی ترقیات کے لیے ان کی ناگزیریت
✔️ انسان کی بہ حیثیت اشرف المخلوقات ذمہ داریاں اور اس کے تقاضے
✔️ بنی اسرائیل کے میثاق کے تناظر میں اللہ تعالیٰ کی توحید کے تقاضے
✔️ ایفائے عہد کے تناظر میں والدین کے ساتھ حسنِ سلوک اور اطاعت کی کسوٹی
✔️ ایفائے میثاق کے تناظر میں ’’قُولُوا لِلنّاس حُسْنا‘‘ کا مفہوم اور تقاضے
✔️ بنی اسرائیل کو اقامتِ صلوٰۃ کا حکم اور ایفائے عہد کی تاکید
✔️ بنی اسرائیل سے قتلِ انسانیت اور خون بہانے کی ممانعت کا میثاق
✔️ قتلِ انسانیت کے بعد سب سے بڑا جرم ‘ انسانوں کو ان کے علاقوں سے دربدر کرنا ہے
✔️ بنی اسرائیل سے اپنے مخالف لوگوں کو ان کے گھروں سے بے دخل نہ کرنے کا معاہدہ
✔️ انسانوں کو ان کے گھروں سے جلاوطن کرنے والے سماج دشمن عناصر سے معاہدات کی ممانعت
✔️ یثرب (مدینہ منورہ) میں موجود اَوس و خزرج اوریہودی قبائل کا تاریخی اور جغرافیائی پسِ منظر
✔️ یثرب میں قبائل کی باہمی خانہ جنگی کا پسِ منظر اور یہود کی میثاق سے روگردانی
✔️ یہود ونصاریٰ کے رویوں / عادات اور خصلتوں کی اتباع کی نبوی پیشین گوئی
✔️ یہود و نصاریٰ کے فاسد رویوں کے تناظر میں آج کے مسلمانوں کی حالتِ زار
✔️ عالمی سامراج کا قتلِ انسانیت، جلاوطنی، وسائل پر قبضہ اور قوموں کو غلام بنانے کا مکروہ ہتھکنڈہ
✔️ مسلمان ملکوں کا عالمی سامراجی نظام کی معاونت کا شرم ناک کردار
✔️ آفت زدہ مخلوقِ خدا کے نام پر قومی و بین الاقوامی سطح پر چندوں اور فنڈز کا کاروبار
✔️ سیلابوں کی روک تھام کے مؤثر اقدامات نہ کرنے کا اہلِ اقتدار کا جرم اور غفلت
✔️ سیلاب میں مرنے اور بے گھر ہونے والوں کے ذمہ دار سسٹم اور اربابِ اقتدار ہیں
✔️ شر کی قسمیں امام شاہ ولی اللہ دہلویؒ کی نظر میں اور سسٹم کا شر
✔️ کلمہ طیبہ اور اللہ تعالیٰ کے ساتھ میثاق کے تناظر میں مسلمان جماعت کی ذمہ داری

مکمل خُطبہ سُننے کے لیے درجِ ذیل لنک پر کلک کیجیے 👇


منجانب: رحیمیہ میڈیا
پیش کردہ ادارہ رحیمیہ علوم قرآنیہ ، لاہور ۔ پاکستان
https://www.rahimia.org/
https://web.facebook.com/rahimiainstitute/

پلے لسٹس

خطباتِ

وقت اندراج

اگست 31, 2022