ڈاکٹر مفتی سعید الرحمن

تعارف

پروفیسرڈاکٹر مفتی سعیدالرحمن  ادارہ رحیمیہ علوم قرآنیہ (ٹرسٹ) لاہور کے سرپرست اور حضرت اقدس شاہ سعید احمد رائے پوریؒ کے مجازین میں سے ہیں۔ 1978 میں حضرت اقدس شاہ عبد العزیز رائے پوریؒ مسند نشین ثالث خانقاہ عالیہ رحیمیہ رائے پور سے شرف بیعت حاصل ہوا۔ جامعہ علوم اسلامیہ علامہ بنوری ٹاؤن کراچی سے درسِ نظامی و تخصص فی الفقہ اسلامی کی تکمیل کی، جہاں اپنے والد محترم حضرت مولانا محمد بدیع الزمانؒ کے علاوہ حضرت مولانا محمد یوسف بنوری ؒ  اور حضرت مولانا مفتی ولی حسن ٹونکی ؒ  جیسے نامور اساتذہ کرام سے شرف تلمذ حاصل ہوا، اس کے بعد بین الاقوامی اسلامی یونیورسٹی اسلام آباد سے ایل ایل ایم شریعہ میں ڈگری حاصل کی۔ 33 سال تک بہاءالدین زکریا یونیورسٹی ملتان میں تدریس کے فرائض سر انجام دئیے۔ اسی یونیورسٹی سے اصول فقہ میں پی ایچ ڈی کی سند حاصل کی۔ اور سات سال سے زیادہ عرصہ چئیرمین شعبہ علوم اسلامیہ بہاءالدین یونیورسٹی ملتان کے فرائض سر انجام دئیے، آج کل انسٹی ٹیوٹ آف سدرن پنجاب ملتان میں شعبہ علوم اسلامیہ کے صدر کے طور پر کام کررہے ہیں۔ مجلہ شعور و آگہی اور ماہنامہ رحیمیہ کے سرپرست اعلیٰ بھی ہیں۔ گزشتہ تقریباً 40 سال سے ولی اللّٰہی فکر سے وابستہ نوجوانوں، بالخصوص خانقاہِ رائے پور سے وابستہ متوسلین کی تعلیم و تربیت میں مشغول ہیں۔