خطبہ جمعہ/ اسلام کے معاشی نظام میں زکوٰۃ؛ انفرادی و اجتماعی تہذیب۔۔۔/ مفتی عبدالخالق آزاد رائے پوری

Description

اسلام کے معاشی نظام میں زکوٰۃ؛ انفرادی و اجتماعی تہذیب و تربیت کا ذریعہ اور
سُودی نظام کے استحصالی حربے

خُطبۂ جمعۃ المبارک:
حضرت مولانا شاہ مفتی عبد الخالق آزاد رائے پوری

بتاریخ: 21؍ جُمادی الاولیٰ 1444ھ / 16؍ دسمبر 2022ء
بمقام: ادارہ رحیمیہ علومِ قرآنیہ (ٹرسٹ) لاہور

خطبہ کی رہنما آیاتِ قرآنی:

فَاٰتِ ذَا الْقُرْبٰى حَقَّهٗ وَ الْمِسْكِیْنَ وَ ابْنَ السَّبِیْلِ، ذٰلِكَ خَیْرٌ لِّلَّذِیْنَ یُرِیْدُوْنَ وَجْهَ اللّٰهِ، وَ اُولٰٓئِكَ هُمُ الْمُفْلِحُوْنَ، وَ مَاۤ اٰتَیْتُمْ مِّنْ رِّبًا لِّیَرْبُوَاۡ فِیْۤ اَمْوَالِ النَّاسِ فَلَا یَرْبُوْا عِنْدَ اللّٰهِ، وَ مَاۤ اٰتَیْتُمْ مِّنْ زَكٰوةٍ تُرِیْدُوْنَ وَجْهَ اللّٰهِ فَاُولٰٓئِكَ هُمُ الْمُضْعِفُوْنَo (30 – الرُّوم: 38-39)
ترجمہ: ”سو تُو دے قَرابت والے کو اُس کا حق، اور محتاج کو، اور مُسافِر کو، یہ بہتر ہے اُن کے لیے جو چاہتے ہیں اللہ کا منہ (رضا و خوشی)، اور وہی ہیں جن کا بھلا ہے۔ اور جو دیتے ہو بیاج (سُود) پر کہ بڑھتا رہے لوگوں کے مال میں، سو وہ نہیں بڑھتا اللہ کے یہاں، اور جو دیتے ہو پاک دل سے چاہ کر رضامندی اللہ کی، سو! یہ وہی ہیں جن کے دُونے (دُگنے) ہوئے“۔

۔ ۔ ۔ ۔ خُطبے کے چند مرکزی نِکات ۔ ۔ ۔ ۔ 👇

آغاز خطبہ 0:00
1:30 اسلام کے معاشی نظام کی اَساس‘ انسانوں کے مالی حقوق کا تحفظ ہے
4:07 سودی نظام کی بنیاد‘ انسانوں کے معاشی حقوق کی حق تلفی پر قائم ہے
5:26 معاشی ترقی میں انسانی محنت کے بعد اللہ تعالیٰ کے ’’قبض و بسط‘‘ کے اختیارات
10:53 حق کی تعریف، اس کا معنی و مفہوم اور اس کی انجام دہی کے تقاضے
15:40 انفاق فی سبیل اللّٰہ میں لِلّٰہی اخلاص کی اہمیت اور دُنیوی نمائش کی مذمت
23:19 خطبے کی مرکزی آیت کی تفسیر و تشریح اور تفصیلات
29:42 زکوٰۃ کی فرضیت اور اس کے ذریعے تہذیبِ نفس کی اہمیت، معنی و مفہوم
34:30 قلب کی مختلف حالتیں اور اس سے پھوٹنے والے خیالات و تصورات کی نوعیت
42:28 عقل کی مختلف حالتیں اور اس سے صادر ہونے والی منطق اور استدلال کی حیثیت
43:46 نفس کی مختلف حالتیں یعنی نفسِ امارہ، نفسِ لوامہ اور نفسِ مطمئنّہ کی کیفیات
49:33 دینِ اسلام کا بنیادی مقصد؛ عقل، قلب اور نفس کی اعلیٰ مقاصد پر تربیت ہے
51:32 موجودہ سرمایہ داری نظام‘ سود کے ذریعے عقل، قلب و نفس میں فساد پیدا کررہا ہے
52:26 مقاصدِ زکوٰۃ کا حقیقی اِدراک اور شعور
56:01 ہدیہ اور قرض دینے کے بعد اس سے کسی طرح کے مادی مفاد کا وصول کرنا بھی سود ہے
1:04:19 عالمی سودی نظام کے ذریعے تیسری دُنیا کے ممالک کے وسائل کا بدترین استحصال


پیش کردہ ادارہ رحیمیہ علوم قرآنیہ ، لاہور ۔ پاکستان
https://www.rahimia.org/
https://web.facebook.com/rahimiainstitute/

Playlists

Khutbat

Created At

Dec 20, 2022