شرعی معذور کی اقتداء میں نماز پڑھنے کا حکم

عبادات و اخبات الٰہی

​اگر کسی شخص کی بڑی آنت کا آپریشن ہو چکا ہو اور اس کے پیٹ پر کولوسٹومی بیگ لگا ہو، جس میں پیشاب پاخانہ جمع ہوتا ہے، تو کیا ایسا شخص نماز کی امامت کر سکتا ہے؟​

​الجواب حامداً و مصلیاً و مسلماً​جس شخص کو کولوسٹومی بیگ لگا ہو اس کو اپنے اوپر قدرتی کنٹرول نہیں ہوتا، ہر وقت پیشاب و پاخانہ خارج ہوتا رہتا ہے، ایسا شخص شرعی معذور کہلاتا ہے، لہذا اس کے لیے صحت مند لوگوں کی امامت کرنا درست اور جائز نہیں ہے۔​فقط واللہ تعالیٰ اعلم بالصواب​​​