کمیٹی پر زکوٰۃ کا حکم

کسی شخص نے 20 لاکھ کی کمیٹی ڈالی ہے کہ جیسے ہی نکلے گی بچوں کے لیے گھر خریدوں گا۔ اب دوسرے ماہ ہی اس کی کمیٹی نکل آئی جب کہ 20 لاکھ  اسے اۤئندہ 40 ماہ میں ابھی چکانا ہے ۔ کیا ان 20 لاکھ پر اس شخص پر زکوٰۃ لاگو ہوتی ہے۔

ولسلام 
ظفرالدین، لاڑکانہ

الجواب باسم ملھم الصدق والصواب
صاحبِ نصاب وہ شخص ہے جس کے پاس موجود رقم یا سرمایہ اس کی بنیادی حاجات اور قرض کے علاؤہ ہو۔ صورت مسئولہ میں اس شخص کے پاس 20لاکھ  روپے  بطور قرضہ ہے ، جو ہر ماہ مخصوص مقدار میں اس نے واپس کرنا ہے ۔ اس لئے اس رقم پر زکوٰۃ واجب نہیں ۔

واللہ اعلم باالصواب