مصنوعی دانت لگے ہونے کی صورت میں غسلِ جنابت کا حکم

ایک شخص نے مصنوعی دانت لگوا رکھے ہیں۔ کیا غسلِ جنابت میں ان کا نکالنا ضروری ہوگا؟

​مصنوعی دانت دو طرح کے ہیں:
​(1) ایک قسم اُن مصنوعی دانتوں کی ہے جو منہ میں فٹ نہیں کیے جاتے بلکہ حسب ضرورت نکالے اور لگائے جاتے ہیں۔ غسلِ جنابت کے لیے ان کو نکالنا ضروری ہوگا۔ نکالے بغیر غسل نہیں ہوگا۔
(2) دوسری قسم اُن مصنوعی دانتوں کی ہے جنہیں منہ میں مستقل طور پر اس طرح فٹ کیا جاتا ہے کہ انہیں نکالنا مشکل ہوتا ہے۔ یہ دانت اصل دانتوں کے حکم میں ہیں۔ انہیں نکالے بغیر غسلِ جنابت درست ہوگا۔​