غسل جنابت میں کلی کرنا اور ناک میں پانی ڈالنا بھول جانے کی صورت میں غسل کا حکم

ایک شخص نے غسل جنابت کیا لیکن کلی کرنا اور ناک میں پانی ڈالنا بھول گیا اس کے بعد جب اس کو یاد آیا تو پھر اس نے کلی کرلی اور ناک میں پانی بھی ڈال لیا تو کیا اس طرح اس کا غسل ہوگیا؟

کلی اور ناک میں پانی ڈالنا غسل کے مستقل فرائض ہیں ، اگر یہ فرائض رہ گئے تو غسل نامکمل رہا، تاہم بعد میں یاد آنے پر صرف ان فرائض کا مکمل کر لینا کافی ہے، اس صورت میں غسل مکمل ہو جائے گا۔ دوبارہ پورا غسل کرنے کی ضرورت نہیں کیوں کہ غسل میں تسلسل (موالات) شرط نہیں — بشرطیکہ اس دوران کوئی ایسی نئی چیز پیش نہ آئی ہو جو دوبارہ غسل واجب کر دے (جیسے دوبارہ جماع، احتلام، یا حیض) کیونکہ ایسی صورت میں مکمل غسل فرض ہو جائے گا۔
البتہ جتنی دیر غسل نامکمل رہا، اس دوران شخص شرعاً حالتِ جنابت میں ہی شمار ہوگا لہٰذا اس دوران پڑھی گئی نمازیں ادا شمار نہیں ہوں گی اور ان کی قضا لازم ہوگی۔​