نماز کے علاوہ سجدے کی حالت میں دعا کرنا

​اگر کوئی شخص محض دعا مانگنے کی غرض سے سجدے میں چلا جائے تو کیا ایسا کرنا شرعاً جائز ہے؟ کیا نماز سے باہر دعا کے لیے اس طرح سجدہ کرنا جائز ہے یا بدعت ہے؟​

فقہاء کے ہاں ہر وہ مباح کام کہ جس کے (مسلسل) کرنے سے کم علم (دینی مسائل سے ناواقف لوگ) اس کو سنت یا واجب سمجھنے لگیں تو وہ مباح کام بھی مکروہ ہوجاتا ہے۔ ​اسی اصول کی بنا پر نماز کے بعد دعا کی غرض سے سجدہ کرنا (جسے سجدہ دعائیہ کہتے ہیں) فی ذاتہا تو مباح ہے لیکن لوگوں کے غلط اعتقاد میں پڑنے کے سبب فقہاء نے اس کو مکروہ قرار دیا ہے۔
البتہ اگر سنت یا واجب سمجھے بغیر تنہائی میں اللہ تبارک و تعالی کے حضور تضرع و مناجات کے لیے سجدہ کرلیا جائے تو حرج نہیں۔ ہکذا فی کفایت المفتی، کتاب الصلاۃ، ج: 4، ص:58، ط: ادارۃ الفاروق کراچی​​