امانت کی رقم سے کاروبار کرنے کا حکم

میرے پاس میرے ایک دوست کی امانت کی رقم رکھی ہوئی ہے۔ اگر میں اس رقم سے کوئی کاروبار کروں تو اس میںہونے والے منافع کا کیا حکم ہے؟ کیا وہ منافع میرا ہوگا یا جس کی امانت کے پیسے ہیں اُس کا؟

امانت کی رقم میں ردّ و بدل یا استعمال کرنا یا اس سے کاروبار کرنا بغیر اجازت درست نہیں۔ ہاں! اگر آپ نے امانت رکھنے والے سے اجازت حاصل کرکے رقم استعمال کی تو یہ رقم قرض بن گئی۔ نقصان کی صورت میںاب آپ ذمہ دارہوں گے، البتہ نفع مکمل آپ کا ہوگا۔ امانت والی قرض کی رقم طلب کرنے پر آپ کو فوری لوٹانی ہوگی۔