جنازہ کو ابتدائی چالیس قدم تک اٹھانا ورثا سے مشروط نہیں

ہمارے ہاں ایک رسم رائج ہے کہ نمازِ جنازہ کے بعد میت کو قبرستان لے جاتے وقت ابتدا میں صرف میت کے ورثاء چالیس قدم تک جنازہ اٹھاتے ہیں۔ اس کے بعد دوسرے لوگ جنازہ اٹھا کر میت کو قبرستان تک لے جاتے ہیں۔ دریافت طلب امر یہ ہے کہ کیا ابتدا میں ورثا کا چالیس قدم تک جنازہ اٹھانا ضروری ہے یا کوئی غیر بھی اس میں شریک ہوسکتا ہے؟

​ابتدائی چالیس قدم تک جنازہ اٹھانا ورثا کے ساتھ مشروط نہیں، بلکہ دیگر لوگ بھی اس میں شریک ہو سکتے ہیں۔ البتہ، اگر کسی مقام پر یہ رواج قائم ہو اور دیگر افراد کو منع نہ کیا جاتا ہو یا انہیں کوئی اعتراض نہ ہو، تو ضروری سمجھے بغیر پہلے چالیس قدم ورثا کی جانب سے اٹھانے میں حرج نہیں۔