ماہِ صفر میں شادی بیاہ اور ختنہ کا حکم

عام طور پر صفرالمظفر کے مہینے کو اچھا تصور نہیں کیا جاتا اور اس ماہ میں شادی بیاہ اور ختنہ کرنا مکروہ سمجھا جاتا ہے۔ اس کی حقیقت کیا ہے ؟

یہ ایک جاہلی تصور ہے۔ خود رسول اکرم صلی اللہ علیہ وسلم کے دور میں بھی یہ تصور موجود تھا۔ آپ ﷺ نے اس تصور کا ”لاصفر“ (صفر کی بدحالی کی کوئی حقیقت نہیں) کہہ کر ردّ کردیا۔ لہٰذا اس مہینے میں شادی بیاہ، ختنہ کرنا، دیگر ایام اور مہینوں کی طرح بالکل جائز ہے۔