اولاد کی شادی کے لیے رکھے ہوئے زیورات پر زکوۃ کا حکم

زید کے پاس نقد رقم اور سونے چاندی کے زیورات موجود ہیں، جو نصابِ زکوٰۃ سے زیادہ ہیں، مگر زید کی اولاد کی شادیاں ابھی ہونی ہیں، جن کے اخراجات شاید اس مالیت سے بھی پورے نہ ہوسکیں گے۔ کیا ایسی صورت میں نقد رقم یا سونے چاندی کے زیورات پر زکوٰۃ واجب ہوگی؟ جو محض اولاد کی شادی کے لیے رکھے ہوئے ہیں یا یہ زکوٰۃ سے مستثنیٰ ہوں گے۔

اولاد نابالغ یا بالغ معذور کا نان و نفقہ تو والد پر ہے، لیکن شادیوں کے رسمی اخراجات شرعاً غیرضروری ہیں۔ اور ان اخراجات کے لیے رکھے گئے زیورات اور نقد رقم پر زکوٰۃ واجب ہوگی۔