رضاعی بھائی کی بہن سے نکاح کا حکم

میرے رشتہ داروں میں ایک لڑکی سے میرا نکاح طے ہو رہا ہے، لیکن مسئلہ یہ ہے کہ اس لڑکی کے بڑے بھائی نے میری والدہ صاحبہ کا دودھ پیا ہے، اس اعتبار سے وہ میرا رضاعی بھائی ہے۔ کیا میرا اس رضاعی بھائی کی بہن سے نکاح جائز ہے یا نہیں؟

صرف رضاعی بھائی کا اپنی رضاعی ماں کی اولاد سے نکاح حرام ہے، لیکن اس حرام کا دائرہ کار اس کے حقیقی بہن بھائیوں تک نہیں پھیلتا۔ لہذا صورتِ مسئولہ میں آپ کی والدہ صاحبہ نے جس لڑکے کو دودھ پلایا، وہ آپ کا رضاعی بھائی ہے، لیکن اس رضاعی بھائی کی حقیقی بہن نے چونکہ خود آپ کی والدہ کا دودھ نہیں پیا تو وہ آپ کی رضاعی بہن نہیں ہے۔لہٰذا آپ کا اپنے رضاعی بھائی کی بہن سے نکاح شرعاً جائز ہے۔