مصنوعی بال (وگ) لگانے کا حکم

میرے سر پر بال نہیں ہیں تو کیا میں مصنوعی بال (وگ) استعمال کر سکتا ہوں؟

​سر پر بال نہ ہونے کی صورت میں مصنوعی بال (وگ) کے استعمال کا حکم درج ذیل تفصیلات پر ہے:
(1) اگر وگ کسی انسان یا خنزیر کے بالوں کی بنی ہو تو انسان کی عظمت اور خنزیر کے نجس العین (ناپاک) ہونے کے سبب اس کا استعمال مطلقاً حرام اور گناہ کبیرہ ہے۔
​(2) اگر وگ انسان یا خنزیر کے علاوہ کسی جانور کے بالوں یا مصنوعی بالوں کی بنی ہو تو اس کا استعمال جائز ہے، جبکہ اس سے کسی کو دھوکا دینا مقصود نہ ہو۔

​وگ پر مسح اور غسل کا حکم
​(1) اگر وگ عارضی ہو یعنی آسانی سے اتر جاتی ہو تو فرض غسل اور وضو میں سر کے مسح کے لیے اسے اتارنا ضروری ہوگا۔
​(2) اگر وگ مستقل ہو یعنی مشقت کے بغیر نہ اترتی ہو تو وضو میں اس پر مسح اور فرض غسل میں اس کے دھونے سے جسمانی طہارت ہوجائے گی۔

​واللہ اعلم بالصواب​