والد، بیٹے اور تین بیٹیوں میں تقسیمِ ترکہ

ایک شخص فوت ہوا اس کے ترکہ میں ایک گھر اور کچھ نقد رقم ہے۔ ورثا میں اس شخص کا والد تین بیٹیاں، ایک بیٹا، دو بھائی اور ایک بہن حیات ہے۔ ترکہ کی تقسیم کے حوالے شرعی رہنمائی فرمادیں! 

صورتِ مسئولہ میں مرحوم کے حقوق متقدمہ (تجہیز و تکفین کا خرچہ، مرحوم پر کوئی قرض ہو تو اس کی ادائیگی اور اگر مرحوم نے کوئی جائز وصیت کی ہو تو بقیہ ترکہ کے ایک تہائی میں اسے نافذ کرنے کے بعد) باقی منقولہ وغیر منقولہ ترکہ (بشمول گھر) کو 6 حصوں میں تقسیم کرکے 1 حصہ (٪16.67) والد کو، 2 حصے (٪33.33) بیٹے کو اور 1،1 حصہ (٪16.67) تین بیٹیوں میں سے ہر ایک کو از روئے شرع ملے گا، جبکہ مرحوم کے بہن بھائی ترکہ سے محروم ہوں گے۔

فقط واللہ تعالیٰ اعلم بالصواب