جی۔پی فنڈ (GPF) پر ملنے والے اضافے کا حکم

میں ایک سرکاری ادارے کا ملازم ہوں اور میری تنخواہ سے ایک جی۔پی فنڈ (GPF)کے نام سے کچھ رقم کی کٹوتی ہوتی ہے۔ یہ کٹوتی زبردستی کی ہے، جس پر سال کے آخر میں حکومت تقریباً 12 فی صد مارک اپ (سود) اضافی دیتی ہے۔ اب حکومت ہمیں دو آپشن دیتی ہے:
​(1) جتنی رقم آپ کی جمع ہوگی، ریٹائر منٹ کے اختتام پر وہی رقم آپ کو ملے گی۔
(2) ساری رقم مارک اپ لگا کر آپ کو ملازمت کے اختتام پر ملے گی۔سوال یہ ہے کہ یہ کٹوتی پر ملنے والی اضافی رقم حلال ہے یا حرام؟​

چوں کہ یہ رقم ابھی اس کی ملکیت میں آتی نہیں، بلکہ گورنمنٹ یہ کٹوتی خود ہی کر کے اضافہ کے ساتھ دیتی ہے۔ فقہا کے ہاں یہ سود کے زمرے میں نہیں آئے گا۔ ملازمت کے اختتام یا ریٹائرمنٹ کے بعد ملازم اضافی رقم کے ساتھ اپنا جمع شدہ لے سکتا ہے۔