سوشل میڈیا پر بغیر تصدیق کے احادیث و اقوال شیئر کرنے کا حکم

آج کل سوشل میڈیا کی ویب سائٹس فیس بک، ٹوئٹر، انسٹا گرام و دیگر کا استعمال کافی حد تک بڑھ چکا ہے۔ عام طور پر لوگ احادیث اور اقوالِ صحابہؓ وغیرہ بھی ان ویب سائٹس پر شیئر کرتے ہیں۔ کیا ان کو بغیر تصدیق کے آگے شیئر کرنا درست ہے؟

احادیث ِنبویﷺ یا اقوالِ صحاؓبہ کو خصوصاً تصدیق کے بغیر آگے نقل کرنا یا شیئر کرنا درست نہیں۔ اس میں بہت احتیاط کی ضرورت ہے۔ آپ صلی اللہ علیہ وسلم نے سخت تنبیہ فرمائی ہے کہ: ’’جس نے میری طرف جان بوجھ کر غلط بات منسوب کردی تو وہ اپنا ٹھکانہ جہنم بنالے۔‘‘ اللہ تعالیٰ ہمیں اس سے محفوظ رکھے۔ آمین!