ٹرسٹ اور این جی اوز کو زکوۃ و صدقات دینا

کیا این جی اوز اور ٹرسٹ وغیرہ کو زکوٰۃ و صدقات کی رقم دی جاسکتی ہے؟

زکوٰۃ و صدقات کی رقم صرف ایسے ٹرسٹ اور این جی اوز کو دی جاسکتی ہے جو دیانت داری اور امانت داری سے زکوٰۃ و صدقات کے شرعی مصارف میں استعمال کرنے کا صحیح علم اور تجربہ رکھتے ہوں۔ افسوس! کہ آج کل مروّجہ اکثر ٹرسٹی ادارے اور این جی اوز ان صفات سے عاری ہیں، بلکہ اس اہم فریضے کا بے مصرف استعمال کرکے اس کے مقصد کو ضائع کردیتی ہیں۔ بغیر تحقیق کے ان کو زکوٰۃ دینے سے گریز کرنا چاہیے۔