رب الارض اور مزارع کا نصف نصف اخراجات پر مزارعت کا حکم

مزارعت میں فریقین یعنی مزارع اور رب الارض نے عقد کرلیا کہ کاشت کاری پر آنے والے اخراجات دونوں نصف نصف برداشت کریں گے اور پیدوار بھی نصف نصف تقسیم کی جائے گی۔ محنت صرف مزارع کے ذمہ ہے۔ کیا یہ صورت مزارعت میں جائز ہے؟

مزارعت کی مذکورہ صورت کہ کاشت کے تمام اخراجات مزارع اور ربُّ الارض دونوں نصف نصف برداشت کریں، شرعاً جائز نہیں ہے؛ اگرچہ پیداوار دونوں کے درمیان نصف نصف یا کسی بھی متعین فیصد کے مطابق تقسیم کرنے پر اتفاق ہو۔

مزارعت کی جائز صورتیں درج ذیل ہیں:
1۔ زمین اور بیج ایک فریق کے ہوں، جبکہ بیل (یا ٹریکٹر) اور محنت دوسرے فریق کی ہو
2۔ زمین ایک فریق کی ہو، جبکہ بیج، بیل (یا ٹریکٹر) اور محنت دوسرے فریق کی ہو
3۔ زمین، بیل (یا ٹریکٹر) اور بیج ایک فریق کے ہوں، جبکہ صرف محنت دوسرے فریق کی ہو۔

ان کے علاوہ اگر معاملہ کسی اور صورت پر طے کیا جائے تو مزارعت فاسد شمار ہوگی۔