بڑے جانور میں بچوں کا عقیقہ کرنا

اگر عقیقہ کے لیے دو بکروں کی بجائے ایک بڑا جانور قربان کردیا جائے تو اس سے عقیقہ کی سنت ادائیگی ہو جائے گی یا نہیں؟

بڑے جانور (گائے، بیل، اونٹ) سے بھی عقیقہ ہوسکتا ہے۔ جس طرح بڑے جانور میں قربانی کے سات حصے ہوتے ہیں، اسی طرح عقیقے کے بھی ہوسکتے ہیں، لہذا بڑے جانور میں لڑکے کے عقیقے کے لیے دو حصے اور لڑکی کے عقیقے کے لیے ایک حصہ مقرر کرنا درست ہے، جب کہ باقی حصے دیگر بچوں کے عقیقے، نفلی صدقہ، یا ایّامِ قربانی میں قربانی کی نیت سے رکھے جاسکتے ہیں۔