پہلے دن قربانی کرنا افضل ہے

کیا قربانی کے تینوں دنوں میں قربانی کا ثواب برابر ہے؟ اور دوسرے یا تیسرے دن قربانی کرنے سے قربانی پر کوئی فرق پڑتا ہے؟

ایّامِ نحر یعنی 10، 11 اور 12 ذی الحجہ میں سے کسی ایک دن قربانی کرنے سے واجب ادا ہوجائے گا، البتہ فضیلت اور اجر کے اعتبار سے پہلے دن کو دوسرے پر اور دوسرے دن کو تیسرے پر ترجیح ہے۔ تاہم کسی انتظامی مجبوری کے سبب اگر دوسرے یا تیسرے دن قربانی کی جائے تو بھی درست ہے۔ اور اس سلسلے میں اجر و ثواب کی کمی کا خیال دل میں نہیں لانا چاہیے، بلکہ اللہ تبارک و تعالیٰ سے کامل ثواب کی امید رکھنی چاہیے.​