قربانی کے شرکا میں سے کسی ایک شریک کا قبل از قربانی علیحدہ ہوجانا

سات افراد نے قربانی کی ایک گائے خریدی۔ قربانی کے دن سے پہلے ایک فرد ان میں سے علیحدہ ہوگیا تو اس کی جگہ دوسرے شخص کو شامل کیا جاسکتا ہے یا نہیں؟

قربانی کے جانور میں قربانی کی نیت سے شریک ہوکر علیحدہ ہونے والے شخص پر اگر قربانی واجب ہے تو اس کی جگہ دوسرا آدمی شامل کیا جاسکتا ہے۔ اور اگر علیحدہ ہونے والا ایسا شخص ہے، جس پر قربانی واجب نہیں تو اس کے علیحدہ ہونے کی صورت میں تمام شرکا کی قربانی درست نہ ہوگی، جب تک کہ وہ اس شخص کو قربانی میں شریک نہ کرلیں۔