طلاق ثلاثہ کے بعد مطلقہ کی عدت کب شروع ہوگی؟

ایک شخص نے شادی کی۔ شادی کے بعد زوجین کینیڈا شفٹ ہوگئے، وہاں باہمی نزاع کی بنا پر شوہر نے بیوی کو تین طلاقیں دے دیں۔ تاہم کینیڈا کے قانونی نظام کے تحت تعلق ختم کرنے کے لیے ایک سال کی مہلت دی جاتی ہے تاکہ فریقین اپنے فیصلے پر نظرِ ثانی کر سکیں۔ چنانچہ ایک سال مکمل ہونے پر 13 ستمبر 2025 کو کینیڈین عدالت نے طلاق کی باقاعدہ ڈگری جاری کردی۔ اس کے بعد شوہر پاکستان آیا اور یونین کونسل میں طلاق کے سرٹیفکیٹ کے حصول کے لیے درخواست دی۔
سوال یہ ہے کہ ایسی صورت میں عورت کی عدت کا آغاز کب سے شمار ہوگا؟​

صورت مسئولہ میں ایک ہی مجلس میں صریح الفاظ کے ساتھ دی جانی والی تین طلاقوں کی صورت میں، عورت پر اسی وقت سے عدت لازم ہوتی ہے۔ البتہ اگر شوہر نے مختلف اوقات میں صریح الفاظ کے ساتھ طلاق دی اور پہلی یا دوسری طلاق کے بعد رجوع نہ کیا تھا تو ایسی صورت میں عورت کی عدت پہلی طلاق کے وقت سے شمار ہوگی۔