تنہا فرض نماز پڑھنے والے کی اقتدا کا حکم

میں تنہا فرض نماز پڑھ رہا تھا تو میرے پیچھے ایک مقتدی نے آکر میری اقتدا شروع کی۔ کیا اس طرح جماعت ہوسکتی ہے؟

تنہا فرض نماز پڑھنے والے کی کوئی شخص اقتدا کرنا چاہے تو اس طرح جماعت ہوسکتی ہے۔ ایسی صورت میں امام کو چاہیے کہ نماز کے دوران ہی امامت کی نیت کرلے۔ نیز یہ مسئلہ بھی پیش نظر رہے کہ جہری نمازوں (جن کی پہلی دو رکعتوں میں با آواز بلند قرأت ہوتی ہے) میں مقتدی کے ملنے کی صورت میں امام اسی وقت بقیہ قرأت جہرًا کرے گا۔