حالتِ احرام میں انڈر ویئر (Underwear) پہننے کا حکم

میں نے آمدہ ماہ حج پر جانا ہے۔ مجھے پیشاب کے بعد قطرے آجاتے ہیں، جس کے لیے میڈیسن بھی لے رہا ہوں۔ کیا میں احرام کے نیچے انڈر ویئر (Underwear) پہن سکتا ہوں؟

​انڈر ویئر (Under wear) سلا ہوا کپڑا ہے اور حالتِ احرام میں سلا ہوا کپڑا پہننا جائز نہیں ہے۔ البتہ اگر کوئی کپڑا باندھنے سے قطروں سے حفاظت ممکن ہو تو احرام کے نیچے بغیر سلی لنگوٹی پہن سکتے ہیں اور اس کے اندر ٹشو یا روئی بھی رکھ سکتے ہیں۔ قطرے آنے کی صورت میں وضو سے پہلے اس کو نکال کر نیا ٹشو یا روئی رکھیں۔