حدودِ حرم سے باہر احرام کھولنا

زید اپنی ملازمت کے سلسلے میں جدہ میں مقیم ہے۔ عمرہ کرنے کے ارادے سے احرام باندھ کر حرم مکہ (زادہا اللہ شرفاً) میں داخل ہوا اور سعی صفا و مروہ سے فارغ ہوکر جدہ واپس ہوگیا اور اپنے گھر جاکر حلق کرواتا ہے۔ اور احرام کھولتا ہے۔ کیا یہ شرعاً جائز ہے یا نہیں؟

​حلق یا قصر (بال منڈانا یا چھوٹے کرانا) سے عمرہ یا حج کا احرام حدودِ حرم میں کھولنا ضروری ہے۔ حدودِ حرم سے باہر جدہ یا کہیں اور احرام کھولنے سے دم واجب ہوگا، یعنی ایک بکرا حدودِ حرم میں ذبح کرنا لازم ہے۔