امام کا وضو ٹوٹ جانے کی صورت میں پچھلی صفوں سے نائب مقرر کرنا

دورانِ نماز اگر امام کا وضو ٹوٹ جائے اور قریبی نمازیوں میں نماز پڑھانے کا کوئی اہل نہ ہو تو پچھلی صفوں سے امام کسی کو اپنا خلیفہ بنا سکتا ہے یا نہیں؟ 

ایسی صورت میں امام پچھلی صفوں سے کسی کو بقیہ نماز کی تکمیل کے لیے اپنا خلیفہ مقرر کر سکتا ہے۔ اور ایسے ہی اگر کوئی شخص لائق امامت ہو اور وہ امام کے خلیفہ مقرر کیے بغیر چلے جانے کے بعد نماز مکمل کرادے تو بھی نماز صحیح ہو جائے گی۔