”ماھد“ نام رکھنا کیسا ہے؟

میں اپنے بیٹے کا نام ”ماھد“ رکھنا چاہتا ہوں، برائے مہربانی رہنمائی فرمائیں کہ یہ نام رکھنا کیسا ہے؟

انسانی شخصیت پر ناموں کی بھی تاثیر ہوتی ہے، اس لیے بہتر یہ ہے کہ انبیاء کرام علیہم السلام، صحابہ کرام رضوان اللہ علیہم اجمعین، اولیاء اللہ اور علماء ربانیین کے ناموں میں سے کسی نام کا انتخاب کیا جائے۔ تاہم ”ماھد“ نام رکھنے میں کوئی ممانعت نہیں، عربی زبان میں اسم فاعل کا صیغہ ہے جس کا معنی ہے ”بچھانے والا، ہموار کرنے والا“۔ آپ اپنی نیت دینی شعور کی راہیں ہموار کرنے والا کر لیں۔