قضا روزوں کا فدیہ کیسے ادا کریں؟

ایک خاتون نے 14 سال روزے نہیں رکھے، ان کا فدیہ کیسے ادا ہوگا؟

​اگر وہ خاتون تندرست ہے، تو اس کے ذمہ ان 14 سال کے روزوں کی قضا لازمی ہے، لیکن اگر وہ کسی دائمی مرض یا بڑھاپے کی وجہ سے روزے رکھنے پر قادر نہیں، تو وہ گزشتہ 14 سال کے روزوں کا فدیہ دے سکتی ہے۔ ہر روزے کا فدیہ اپنی مالی حیثیت کے مطابق کسی مسکین کو پونے دو کلو گندم یا ساڑھے تین کلو جَو، کھجور، یا کشمش یا پھر ان اجناس میں سے کسی ایک کی مارکیٹ قیمت کے مطابق نقد رقم دینا ہے۔ البتہ اگر فدیہ دینے کے بعد صحت بحال ہوگئی اور روزے رکھنے کی قدرت حاصل ہوگئی، تو سب قضا روزے رکھنا پڑیں گے اور فدیہ اللہ کی راہ میں نفلی صدقہ شمار ہوگا۔