نمازِ تراویح پڑھانے کی اجرت لینا

اگر کوئی امام محض پیسے لینے کی نیت سے تراویح پڑھائے تو اس کا یہ اجرت لینا شرعاً کیسا ہے؟

قرآن پاک سنانے کے لیے پیسے طے کرکے لینا یا پیسے لینے کی نیت سے تراویح پڑھانا بڑے اجر سے محرومی ہے، کیوں کہ یہ عبادت ہے اور عبادت کا عوض بندوں سے لینا درست نہیں۔ البتہ لوگ اپنی خوش دلی سے کچھ دینا چاہیں، تو لینے کی گنجائش ہے، بشرطیکہ قرآن سنانے والے کے دل میں دوسروں سے مال یا چیز کے ملنے کی حرص، طمع اور انتظار کی ایسی کیفیت نہ ہو کہ اس کے پورا نہ ہونے پر دلی تکلیف یا ناگواری ہو، اس کو ”اشرافِ نفس“ کہتے ہیں یہ لالچ اور نفس کی پستی کی ایک کیفیت ہے، جو ممنوع ہے۔